Raat bhar jiss toote khilaune ko wo seene se lagaye sota
raha , subah wo uske hath me nahi tha,…usse laga shyd uski mummy ne kahin rkh
diya hoga……usne unse bhi poocha magar jawaab na me mila….
Wo udaas ho gya …usse laga ki naya toh kuch wo de nahi pya
apni chutki ko aur ab shyad wo usse kuch bhi nahi de pyega…..
tabhi uski najar saamne hi ek kutte par padi jo ussi
khilaune se khel raha tha……wo uss kutte ki taraf itni tej dauda jaise koi
mahino ka bhookha kisi roti ke tukde ko dkeh kar daudta hai….
usne wahn jaakr seedhe kutte ke muh par jhappatta maara aur
khilauna chinne k koshish krne laga , kutta bhi usse dant me dabaye apni ooor
khinch raha tha mano jaise chodne ko taiyaar hi na ho….
Ant me khincha taani ke baad usse wo khilauna th mil gya
magar….ab uski halat phle se aur bhi khrb thi…wo har taraf se fat chukka tha
aur poori tareeke se dhool me sana hua tha….
Usse hanth me liye wo wahin pe baith gya…uski ankho se ansu
chalak uthe…..wo ek tak uss khilaaune ki taraf dekhta raha aur foot foot kar
rone laga…..uski har ek siski usse yeh ehsaas dila rahi thi ki iss dunai me
jiss gunaah ki sabse badi saja milti hai wo hai gareebi….aisa gunaah jo apne
kiya tha nahi magar uski saja tab talak sahni hai jab tak sanse chal rahi
hain…..
Usne khilauna wahin par rakha aur apni hathelian ko bade hi
dhyan se takne laga, maano jaise wo uss lakeer do dhundh raha ho jiski wajah se
yeh kismet mili hai usse…..aur agar wo usse mil jaaye toh kured kar usse badal
daalega aur nayi lakeer bnyega khushhaali ki apni hatehliyon par….
Magar usse shyad yeh ehsaas na tha ki , majah haath ki
lakeeron ko mitane se kismat nahi bdalti iss jamane me ….iss upbhogta waadi
samaaj ki kismat badalne ka jimma toh majah chand kaagz ke tukdon ne uthaa
rakha hai….
Chehre par masoomiyat aur mayusiyat liye , uss khilaune ko haath
me jakde wo dheere dheere chalne laga…..khilaune ki haalat aisi ho chuki thi ki
ab uski marammat krne ka bhi koi faida nahi tha…
Aur isse dene se accha toh usse laga ki wo kuch bhi na de
apni chutki ko…..wo jhooti khushi nahi dena chahta tha usse….aur nahi jhooti
hasi dekhna chhta tha wo chutki ke chehre par…
Magar usse koi upaay soojh nahi raha tha , jisse ki wo koi
choti se choti cheej khridne k liye bhi
paise juta sake aur usse ek tohfa khreed sake …..
Tabhi usse ek tarkeeb soojhi jisse shayd kuch paise mil jaye
usse….magar uska jameer usse yeh krne ki ijaajat nahi de raha tha….usne hmesha
hi khud ko ek khuddar ke roop me dekha hai aur chand paiso ki khatir usse apni khuddari ko fatwa krna jayaj na laga….
Magar usne uss pal ke bare me socha jab wo apni chutki ko
tohfa dega , usne khushi mehsoos ki uss pal ki…aur seedhe ghar ki taraf dauda
…. Ghar se bahar aaya toh uske haath me ek chota sa bartan tha jo ki kinaron se
muda hua tha aur kayi jagahon se pichka hua bhi….
Usse bartaan haath me liye jaate dekh uski maa se poocha
kahn jaa raha hai isse lekr….usne bhaagte hue jawaab diya kuch kaam hai , aur
thodi h der me ojhal ho gaya wahan se….
Uski maa bhi soch me pad gayi…ab
naa jane iss ladke ko bartano se kaun sa kaam aa pada….ginti ke hain , guma kea
a gya th khana pata nahi kisme khyega…..
(TO BE CONTINUED)........
No comments:
Post a Comment